512 पटक हेरिएको 
सुदुरपश्चिम प्रदेश सरकारका मुख्यमन्त्री कमल बहादुर शाहको नेतृत्वको टोलि भुकम्प प्रभावित क्षेत्रको बस्तुस्थिती सहितको स्थलगत अवलोकनका लागि पीडित नागरिकको घर घर पुगेको छ । सदरमुकाम चैनपुरलाई केन्द्र बिन्दु बनाइ आएको ६.३ रेक्टरस्केलको भुकम्पले बझाङ जिल्लामा ठूलो मात्रामा भैतिक संरचनाका साथै जन धनको क्षती भए पछि सुदुरपश्चिम प्रदेस सरकार नागरिकको घर घरमा पुगेको हो ।
मुख्य मन्त्री साह सहित आन्तरिक मामिला तथा कानुन मन्त्री शिवराज भट्ट , सुदुरपश्चिम प्रहरी प्रमुख भरत बोहरा लगायत स्थानिय तहका प्रमुखहरुले पिडितहरुको अवस्था र बस्तुस्थितिको बारेमा अवलोकन गर्नु भएको हो ।
बिहिवार मन्त्री शाहले केदारस्यु गाउपालिकाका जनप्रतिनिधिहरु संग त्यहाको अवस्था बारे जानकारी लिनु भएको छ । त्यसै गरि टोलिले थलारा गाउपालिका -३ कुच , दुर्गाथली -३ जुजि र छबिसपाथिमेरा – १ मटेलाको स्थलगत अबलोकन गरेको छ । मुख्यमन्त्री शाहले भुकम्पका कारण बझाङ जिल्लाले यति ठूलो क्षती बेहोरेको बताउदै घाइतेहरुको उपचार , तत्काल राहत बितरण गर्न प्रदेस सरकारले कुनै पनि कसर बाकी नराख्ने बताउनु भएको छ । उहाँले भुकम्प पिडितहरुको घरहरु पुनर्निर्माण गर्न प्राबिधिकहरुलाइ खटाएर दिगो ब्यवस्थापनमा जोड दिन प्रदेस सरकार तत्पर रहेको समेत बताउनु भयो । उहाँले बिगतमा भएका कमिकमजोरीहरु लाई सच्याउदै आम नागरिकहरुलाइ हाम्रो सरकार छ भन्ने अनुभुती दिलाउनु पर्ने बताउनुभयो । थलारा -३ कि सुनिला दमाईले घर बनायको रिण तिर्न नपाउदै भुकम्पले घर स्वाहा बनाएर पाल मुनि बसि रहेको कारुणिक बेदना सुनाउनु भयो । उहाँले १८ जनाको परिवारको बिचल्ली भएको बताउदै अहिले खान , बस्नका लागि ब्यवस्था गरि दिन मुख्यमन्त्री शाह संग आग्रह गर्नु भयो ।
केही स्थानीय युवाहरुले २०७८ साल आएको बेमौसमी बाढिका कारण जिल्लामा भएको ठूलो जनधनको क्षतिमा सरकारी क्षेत्रबाट सिन्को भाचिने काम पनि नभएको भन्दै स्थानीयले पीडितहरुको भावनामा नखेल्न समेत आग्रह गरेका थिए । बाढिको बेला सुदुरपश्चिम प्रदेश सरकारका तत्कालीन समामुख,मुख्यमन्त्री , तत्कालीन प्रधानमन्त्री , गृहमन्त्री आएर बाढी पिडितलाइ आश्वासन मात्र बाडेको र सिन्को सम्म नभाचेको प्रती स्थानियको आक्रोश यथाबत थियो । मुख्यमन्त्री शाहले शुक्रबार बिहान जिल्ला बिपद ब्यस्थापन समितिको बैठकमा छलफल गर्ने, केही भुकम्प प्रभावित ठाउहरुको स्थलगत अनुगमन गर्ने बताइएको छ । शुक्रबार प्रधानमन्त्री पुस्पकमल दाहल (प्रचण्ड)उपप्रधान तथा रक्षा मन्त्री पुर्ण बहादुर खड्का ,गृहमन्त्री नारायण काजी श्रेष्ठ र परराष्ट्र मन्त्री एनपी साउद हेलिकप्टर मार्फत बझाङ आउने कार्यक्रम तय गरिएको छ ।
रास्वपाका सभापति रबि लामिछाने पनि स्थलगत अबलोकन र राहत सामग्री हस्तान्तरण
रास्वपाका सभापति तथा प्रतिनिधि सभा सदस्य रबि लामिछानेले पनि भुकम्प प्रभावित क्षेत्रको स्थलगत निरिक्षण गर्नु भएको छ । उहाले जिल्लाका विभिन्न प्रभावित क्षेत्रमा पुगेर पिडित नागरिकहरुलाइ सान्त्वना दिनुका साथै जिल्ला बिपद जोखिम न्यूनीकरण समितिलाइ राहत सामाग्री समेत हस्तान्तरण गर्नु भएको छ ।
भुकम्प गए पछि पिडित नागरिकको घरदैलो सम्म पुगेर नागरिकलाई मल्हम पट्टि लगाउने पहिलो जनप्रतिनिधि हुन । उहाले जिल्लाका विभिन्न ठाउहरुको स्थलगत निरिक्षण पछि आज फर्किनु भएको हो ।
