1109 पटक हेरिएको बझाङ। चिनको स्वाशासित क्षेत्र तिब्बत संग सिमा जोडिएको बझाङको साईपाल गाउँपालिकाका मतपेटिकाहरुलाई सदरमुकाम चैनपुर ल्याउनलाई हेलिकप्टरको माग गरिएको छ । जिल्ला सदरमुकाम चैनपुरबाट चार दिनको पैदल दुरिमा रहेको सो गाउँपालिकाका मतपेटिका ल्याउन सदरमुकाम तिन दिन लाग्ने भएकाले हेलिकप्टरमत पहल भएको हो ।
जिल्लाको उत्तरी भेगमा रहेको साईपाल गाउँपालिका ४ र ५ घुलीमा रहेको मतपेटिका काँडा पुगेको छ भने वडा नम्बर २ र ३ धलौनको मत धलौनमै राखिएको छ । प्रहरी नायव उपरिक्षक जागेश्वर भण्डारीले भन्नुभयो साईपाल गाउँपालिकामा रहेका मतपेटिकाहरु सुरक्षित छन् । ५ गते बिहान सम्म हेलिकप्टरको पहल भईरहेकाले सुरक्षीत रहेको बताउनुभयो । जिल्ला भरि शान्तीपुर्ण तरिकाले मतदान सम्पन्न भएका छन् । साईपाल गाउँपालिका बाहेका सबै मतकेन्द्रका पेटीहरु ४ गते राती नै सदरमुकाम चैनपुर ल्याउने कार्य भई रहेको छ । देशका बिभिन्न भागमा हेलिकप्टरको माग भई रहेकाले यहाँको संबेदनशिलता लाई ध्यानमा राखी एक सात देखि हेलिकप्टरको माग गरिरहेको अधिकृत नन्द किशोर यादबले बताउनुभयो । उहाँले हामीले सक्दो चाडो हेलिकप्टरबाट ल्याउने र हेलिकप्टरबाट भएन भने दिन रात गरेर बोकेर भएपनि चाडो सदरमुकाम पुर्याउने समेत उहाँले बताउनुभयो ।
जिल्लामा शान्तीपुर्ण तरिकाले मतदान
जिल्लाका सबै मतदान केन्द्रहरुमा सामान्य घटना बाहेक मतदान प्रकृया शान्तीपुर्ण तरिकाले भएको छ । स्थानीय तहको निर्वाचनको तुलनामा जिल्लाका सबै मतदान मेन्द्रमा मत कम खसेको छ । यो समाचार तयार पर्दा सम्म जिल्लाका जिल्ला निर्वाचन अधिकारी बिमल गौतमले यो पटक मत कम खसेको बताउनुभयो । उहाँले मतपेटका ल्याउने काम भई रहेकाले अनुमानित ५० देखि ५२ प्रतिसतको बिचमा मत खसेको बताउनुभयो । जिल्लाका १० वटा मतदान केन्द्र बाहेक सबै मतदान केन्द्रमा ५८ हजार ६ सय ५३ मत खसेकोले १० वटा मतदान केन्द्रको मत बाटोमा आई रहेकाले अहिले एकिन भन्न नसकिने बताउनुभयो । बझाङ जिल्लामा एक लाख २२ हजार ८२ मतदाता रहेका छन् भने १८६ मतदान केन्द्रमा मतदान भएको थियो ।
